Ghazal : Mujhse Bichad Ke Khush Rehate Ho

Lyrics : Bashir Badr

Mujhse Bichad Ke Khush Rahate Ho
Meri Tarah Tum Bhi Jhoothe Ho

Ek Tahanee Par Chaand Tikaa Tha
Main Yeh Samajhaa Tum Baithe Ho

Ujale Ujale Phool Khile The
Bilkul Jaise Tum Hanste Ho

Mujh Ko Shaam Bataa Deti Hai
Tum Kaise Kapade Pehane Ho

Tum Tanaha Duniyaa Se Ladoge
Bachcho Si Baatein Karate Ho

Advertisements
Ghazal : Mujhse Bichad Ke Khush Rehate Ho

Ghazal: Mere Jaise Ban Jaaoge Jab Ishq Tumhe Ho Jaayega

Lyrics : Sayeed Rahi

Mere Jaise Ban Jaaoge
Jab Ishq Tumhe Ho Jaayegaa
Deevaaro Se Sar Takaraaoge
Jab Ishq Tumhe Ho Jaayegaa

Har Baat Gavaaraa Kar Loge
Mannat Bhii Utaaraa Kar Loge
Taabiz Bhi Bandhavaaoge
Jab Ishq Tumnhe Ho Jaayegaa

Tanhaai Ke Jhoole Khuulenge
Har Baat Puraani Bhulenge
Aaine Se Tum Ghabaraaoge
Jab Ishq Tumhe Ho Jaayegaa

Jab Suraj Bhi Kho Jaayegaa
Aur Chaand Kahi So Jaayegaa
Tum Bhi Ghar Der Se Aaoge
Jab Ishq Tumhe Ho Jaayegaa

Bechaini Badh Jaayegi
Aur Yaad Kisi Ki Aayegi
Tum meri Gazale Gaaoge
Jab Ishq Tumhe Ho Jaayegaa

Ghazal: Mere Jaise Ban Jaaoge Jab Ishq Tumhe Ho Jaayega