Ghazal : Shaam-E-Firaaq Ab Na Puuchh

Lyrics : Faiz Ahmed Faiz
Singer : Farida Khannum

Shaam-E-Firaaq Ab Na Puuchh Aaii Aur Aake Tal Gai
Dil Thaa Ke Phir Bahal Gayaa, Jaan Thii Ke Phir Sambhal Gai

Bazm-E-Khayaal Mein Tere Husn Ki Shamaa Jal Gai
Dard Kaa Chaand Bujh Gayaa, Hijr Kii Raat Dhal Gai

Jab Tujhe Yaad Kar Liyaa, Subha Mehak Mehak Uthi
Jab Teraa Gam Jagaa Liyaa, Raat Machal Machal Gai

Dil Se To Har Muaamalaa Karake Chale The Saaf Ham
Kahane Mein Unake Saamane Baat Badal Badal Gai

Aakhir-E-Shab Ke Hamasafar Faiz Na Jaane Kyaa Hue
Rah Gai Kis Jagah Sabaa, Subha Kidhar Nikal Gai

Ghazal : Nahi Nigah Mein Manzil Toh JustJoo Hi Sahi

Lyrics  : Faiz Ahmad Faiz
Singer : Abida Parveen

Nahi Nigah Mein Manzil Toh JustJoo Hi Sahi
Nahi Visaal Mayaasar Toh AarZoo Hi Sahi

Na Tan Mein Khoon Faraaham Na Ashq AAnkjho Mein
Namaaz-e-Shauq To Waajib Hai, Be-Wuzu Hi sahi

Kisi Tarah To Jam-e-Bazm Maikade Waalon,
Nahin Jo Baada-o-Saagar, To Haa-o-Huu Hi sahi.

Gar Intezaar Kathin Hai To Jab Talak Aai Dil
Kisi Ke Waada-e-Fardaa Ki Guftgoo Hi Sahi

Dayaar-e-Ghair Mein Mehram Agar Nahin Koi
To Faiz Zikr-e-Watan Apne Ruh-Ba-Ruh Hi Sahi.