Lyrics : Iqbaal Azeem
Tumane Dil Ki Baat Keh Di Aaj Yeh Accha Huaa
Hum Tumhe Apana Samjhte The Badaa Dhokhaa Huaa
Jab Bhi Humane Kuch Kaa Uska Asar Ulta Huaa
Aap Shaayad Bhoolate Hai Barahaa Aisaa Huaa
Aap Ki Aankho Mein Yeh Aansoo Kaha Se Aa Gaye ?
Hum Toh Deewane Hai Lekin Aap Ko Yeh Kya Hua ?
Ab Kisise Kya Kahe ‘Iqbaal’ Apani Daastaan
Bas Khuda Ka Shukra Hai Jo Bhi Accha Hua.
Lyrics : Kaifi Azmi
Koi Yeh Kaise Bataye Woh Tanaha Kyun Hai
Woh Jo Apana Tha Wohi Aur Kisika Kyun Hai
Yehi Duniya Hai Toh Phir Aisi Yeh Duniya Kyun Hai
Yehi Hota Hai Toh Aakhir Yehi Hota Kyun Hai
Ek zaraa Haath Badha De Toh Pakadle Daaman
Usake Sine Mein Samaa Jaaye Humari Dhadakan
Itanii Kurbat Hai Toh Phir Faasalaa Itanaa kyun Hai
Dil-e-Barabaad Se Nikalaa Nahi Ab Tak koi
Ek Loote Ghar Pe Diya Karata Hai Dastak koi
Aas Jo Tuut Gayi Phir Se Bandhaataa Kyun Hain
Tum Masarrat Kaa Kaho Yaa Ise Gam Kaa Rishtaa
Kahate Hai Pyaar Kaa Rishtaa Hai Janam Kaa Rishtaa
Hai Janam Kaa Jo Ye Rishtaa To Badalataa Kyun Hai
Lyrics: Daagh Dehlavi
Saaz Yeh Keena Saaz Kyaa Jaane
Naazwale Niyaaz Kyaa Jaane
Jinko Apani Khabhar Nahi Ab Tak
Woh Mere Dil Kaa Raaz Kyaa Jaane
Uchi Yeh Maikasho se Luft-e-Sharaab
Yeh Mazaa Pak Baaz Kya Jaane
Jo Guzarate Hai ‘Daagh’ Pal Sab
Aap Banda Navaaz Kya Jaane
PS: Please correct this ghazal
Lyrics : Obaidullah Aleem
Kuch Ishq Tha Kuch Majboori Thi
So Maine Jeevan Vaar Diya
Mein Kaisa Zinda Aadmi Tha
Ek Shakhs Ne Mujhko Maar Diya
Yeh Sajaa Sajaya Ghar Saaqui
Meri Jaat Nahi Mera Haal Nahi
Aye Kaash Kabhi Tum Jaan Sako
Jo Iss Sukh Ne Aazaar Diya
Mein Khuli Huie Ek Sachchai
Mujhe Jaan ne waale Janate Hai
Meine Kin Logo Se Nafrat Ki
Aur Kin Logo Ko Pyaar Diya
Woh Ishq Bahot Mushkil Tha Magar
Assan Na Tha Yuun Jeena Bhi
Us Ishq Ne Zinda Rehane Ka
Mujhe Zarf Diya Pindaar Diya
Woh Yaar Ho Yaa Mehaboob Mere
Yaa Kabhi Kabhi Milane Waale
Ek Lazzat Sab Ke Milane Mein
Woh Zakhm Diya Yaa Pyaar Diya
Lyrics : Sayeed Rahi
Mere Jaise Ban Jaaoge
Jab Ishq Tumhe Ho Jaayegaa
Deevaaro Se Sar Takaraaoge
Jab Ishq Tumhe Ho Jaayegaa
Har Baat Gavaaraa Kar Loge
Mannat Bhii Utaaraa Kar Loge
Taabiz Bhi Bandhavaaoge
Jab Ishq Tumnhe Ho Jaayegaa
Tanhaai Ke Jhoole Khuulenge
Har Baat Puraani Bhulenge
Aaine Se Tum Ghabaraaoge
Jab Ishq Tumhe Ho Jaayegaa
Jab Suraj Bhi Kho Jaayegaa
Aur Chaand Kahi So Jaayegaa
Tum Bhi Ghar Der Se Aaoge
Jab Ishq Tumhe Ho Jaayegaa
Bechaini Badh Jaayegi
Aur Yaad Kisi Ki Aayegi
Tum meri Gazale Gaaoge
Jab Ishq Tumhe Ho Jaayegaa
